മഹാനായ മമ്പുറം തങ്ങളുടെ അരികിൽ ഒരു നാടൻ മനുഷ്യൻ ചെന്ന് പറഞ്ഞു : തങ്ങൾ അവർകളേ എനിക്ക് ശരീഅത്ത്, ത്വരീഖത്ത്, ഹക്കീക്കത്ത്, മ അ്രിഫത്ത് എന്നിവ പറഞ്ഞ് തരണം." അപ്പോൾ തങ്ങൾ പറഞ്ഞു : 'ശരി, പറഞ്ഞ് തരാം. അതിന് താങ്കൾ കോഴിക്കോട് കടപ്പുറത്തേക്ക് ചെന്ന് നിൽക്കുക. അല്പം കഴിയുമ്പോൾ ഒരാൾ വരും. അദ്ദേഹത്തെ അടിക്കുക. വീണ്ടും അവിടെ നിൽക്കുക. കുറച്ച് കഴിയുമ്പോൾ വീണ്ടും ഒരാൾ വരും. അദ്ദേഹത്തെയും അടിക്കുക. വീണ്ടും അവിടെ നിൽക്കണം. കുറച്ച് കഴിയുമ്പോൾ വീണ്ടും ഒരാൾ വരും.! അയാളെയും പഴയ പോലെ അടിക്കുക.! പിന്നെയും അവിടെ നിൽക്കണം. അപ്പോൾ വീണ്ടും ഒരാൾ വരും. അയാളെയും എല്ലാവരെയും ചെയ്ത പോലെ അടിക്കുക. അതിനു ശേഷം ഇങ്ങോട്ട് വരിക. ആ മനുഷ്യൻ മമ്പുറം തങ്ങൾ പറഞ്ഞ് പോലെ കോഴിക്കോട് കടപ്പുറത്ത് ചെന്ന് നിന്നു. കുറച്ച് കഴിഞ്ഞപ്പോൾ അതാ ഒരു മനുഷ്യൻ വരുന്നു. അയാൾ അദ്ദേഹത്തിന്റെ അടുത്ത് ചെന്ന് തങ്ങൾ പറഞ്ഞ പോലെ ഒരൊറ്റ അടി കൊടുത്തു. അടിച്ചുടൻ തന്നെ തിരിച്ച് അയാളും അതു പോലെ ഒരൊറ്റ അടി.!!! അടിച്ച ശേഷം അയാൾ പോയി.! ആ മനുഷ്യന് ആകെ പരിഭ്രമമായി.! ആദ്യത്തെ ആളെ അടിച്ചപ്പൊ തന്നെ ഇങ്ങനെ.! ഇനി മൂന...
